തെക്ക് പടിഞ്ഞാറൻ മൺസൂൺ കേരളത്തിൽ ശക്തി പ്രാപിക്കുന്നതോടെ, അടുത്ത 7 ദിവസത്തേക്ക്, ജൂലൈ 21 വരെ സംസ്ഥാനത്തുടനീളം വ്യാപകമായ മഴയ്ക്കും ഇടിമിന്നലിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് (IMD) പ്രവചിച്ചു. അന്തരീക്ഷത്തിന്റെ താഴെത്തട്ടിൽ പടിഞ്ഞാറൻ കാറ്റോ വടക്ക്-പടിഞ്ഞാറൻ കാറ്റോ ശക്തമായി വീശുന്നതാണ് മഴ ശക്തമാകുന്നതിന് കാരണം.
ഓറഞ്ച് അലർട്ട്
ജൂലൈ 17: മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജൂലൈ
18: കോഴിക്കോട്, വയനാട്, കണ്ണൂർ, കാസർഗോഡ്
ജൂലൈ 19: ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്
യെല്ലോ അലർട്ട്
ജൂലൈ 17: എറണാകുളം, ഇടുക്കി, തൃശൂർ, പാലക്കാട്
ജൂലൈ 18: എറണാകുളം, ഇടുക്കി, തൃശൂർ, പാലക്കാട്, മലപ്പുറം
ജൂലൈ 19: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം…
ജൂലൈ 19 വരെ ഇടയ്ക്കിടെ മണിക്കൂറിൽ 40-50 കിലോമീറ്റർ വേഗതയിൽ ശക്തമായ കാറ്റ് വീശാൻ സാധ്യതയുണ്ടെന്നും IMD മുന്നറിയിപ്പ് നൽകി. ഈ ശക്തമായ കാറ്റും മോശം കാലാവസ്ഥയും കാരണം അധികൃതർ കടലിൽ ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്.
ജൂലൈ 19 വരെ കേരള, ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകരുതെന്ന് മത്സ്യത്തൊഴിലാളികൾക്ക് കർശന മുന്നറിയിപ്പ് നൽകിയിട്ടുണ്ട്. ഓറഞ്ച് അലർട്ട് പ്രഖ്യാപിച്ച ജില്ലകളിലുള്ളവർ പ്രത്യേകം ജാഗ്രത പാലിക്കാനും ആവശ്യമായ മുൻകരുതലുകൾ എടുക്കാനും പൊതുജനങ്ങളോട് അഭ്യർത്ഥിച്ചിട്ടുണ്ട്.