സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ഒരു പവൻ സ്വർണത്തിന് 73,280 രൂപയും ഒരു ഗ്രാമിന് 9,160 രൂപയുമാണ് ഇന്നത്തെ നിരക്ക്. കഴിഞ്ഞ മൂന്ന് ദിവസമായി വിലയിൽ തുടർച്ചയായ കുറവ് രേഖപ്പെടുത്തിയ ശേഷമാണ് ഇന്ന് വില സ്ഥിരമായി നിൽക്കുന്നത്.
അടുത്ത മാസം വിവാഹ സീസൺ ആരംഭിക്കുന്നതോടെ സ്വർണത്തിന് ആവശ്യകത കൂടുകയും വില ഉയരുകയും ചെയ്യാനാണ് സാധ്യത. ആഗോള വിപണിയിലെ മാറ്റങ്ങൾ, ഡോളറിനെതിരെയുള്ള രൂപയുടെ മൂല്യം, ഇറക്കുമതി തീരുവ, പ്രാദേശികമായ ആവശ്യകത എന്നിവയാണ് ഇന്ത്യയിലെ സ്വർണവിലയെ സ്വാധീനിക്കുന്ന പ്രധാന ഘടകങ്ങൾ.