സന: യെമനിലെ ഹൂതി ഭരണകൂടത്തിന് കനത്ത തിരിച്ചടിയായി പ്രധാനമന്ത്രി അഹമ്മദ് അൽ-റഹാവി ഇസ്രയേൽ വ്യോമാക്രമണത്തിൽ കൊല്ലപ്പെട്ടതായി റിപ്പോർട്ട്. യെമൻ തലസ്ഥാനമായ സനയിലെ ഒരു അപ്പാർട്ട്മെന്റിന് നേരെ ഇസ്രയേൽ നടത്തിയ ആക്രമണത്തിലാണ് പ്രധാനമന്ത്രിയും ഒപ്പമുണ്ടായിരുന്ന നിരവധി പേരും കൊല്ലപ്പെട്ടതെന്ന് യെമനി മാധ്യമങ്ങൾ റിപ്പോർട്ട് ചെയ്യുന്നു.
പശ്ചിമേഷ്യയിൽ സംഘർഷം വ്യാപിക്കുന്നതിനിടെയാണ് ഈ സുപ്രധാന സംഭവം. അതേസമയം, ആക്രമണത്തെക്കുറിച്ചോ പ്രധാനമന്ത്രിയുടെ മരണത്തെക്കുറിച്ചോ ഇസ്രയേൽ ഇതുവരെ ഔദ്യോഗികമായി പ്രതികരിച്ചിട്ടില്ല. വാർത്തയുടെ കൂടുതൽ വിശദാംശങ്ങൾ പുറത്തുവന്നുകൊണ്ടിരിക്കുകയാണ്.