ഓഗസ്റ്റ് മാസം സിനിമാപ്രേമികൾക്ക് ആഘോഷമാണ്. നിരവധി പുതിയ സിനിമകളും വെബ് സീരീസുകളുമാണ് വിവിധ ഒടിടി പ്ലാറ്റ്ഫോമുകളിലൂടെ റിലീസിന് ഒരുങ്ങുന്നത്. തിയേറ്ററുകളിൽ വിജയം നേടാതെ പോയ ബിഗ് ബജറ്റ് ചിത്രങ്ങൾ മുതൽ പ്രേക്ഷകർ ആകാംഷയോടെ കാത്തിരിക്കുന്ന വെബ് സീരീസുകൾ വരെ ഈ പട്ടികയിലുണ്ട്. പ്രധാന റിലീസുകളുടെ പൂർണ്ണമായ വിവരങ്ങൾ താഴെ.
- നടികർ
ടൊവിനോ തോമസ്, ഭാവന എന്നിവർ കേന്ദ്ര കഥാപാത്രങ്ങളെ അവതരിപ്പിച്ച ‘നടികർ’ ഓഗസ്റ്റ് 8 മുതൽ സൈന പ്ലേ-യിൽ സ്ട്രീമിംഗ് ആരംഭിക്കും. 40 കോടി ബജറ്റിൽ ലാൽ ജൂനിയർ സംവിധാനം ചെയ്ത ഈ ചിത്രം ഒരു സൂപ്പർതാരത്തിന്റെ ജീവിതത്തിലെ പ്രതിസന്ധികളാണ് പറയുന്നത്. തിയേറ്ററുകളിൽ ചിത്രത്തിന് പ്രതീക്ഷിച്ച വിജയം നേടാനായിരുന്നില്ല. - ജെഎസ്കെ (ജാനകി വേഴ്സസ് സ്റ്റേറ്റ് ഓഫ് കേരള)
സുരേഷ് ഗോപിയും അനുപമ പരമേശ്വരനും വക്കീൽ വേഷത്തിലെത്തുന്ന ഈ ചിത്രം ഓഗസ്റ്റ് 15-ന് സീ 5 (ZEE5)-ലൂടെ റിലീസ് ചെയ്യും. ഒരു കോർട്ട് റൂം ഡ്രാമ വിഭാഗത്തിൽ പെടുന്ന ചിത്രത്തിനായി പ്രേക്ഷകർ ഏറെ ആകാംഷയോടെയാണ് കാത്തിരിക്കുന്നത്. - മാമൻ
തമിഴ് താരം സൂരി നായകനായി എത്തിയ ‘മാമൻ’ ഓഗസ്റ്റ് 8 മുതൽ സീ 5 (ZEE5)-ൽ സ്ട്രീം ചെയ്യും. ഐശ്വര്യ ലക്ഷ്മിയാണ് ചിത്രത്തിലെ നായിക. - മനസാ വാചാ
ദിലീഷ് പോത്തൻ പ്രധാന വേഷത്തിലെത്തുന്ന കോമഡി എന്റർടെയ്നറാണ് ‘മനസാ വാചാ’. ചിത്രം ഓഗസ്റ്റ് 9 മുതൽ മനോരമ മാക്സിൽ ലഭ്യമാകും. - അറബ്യേ കടലൈ
സത്യദേവ്, നാസർ, ആനന്ദി എന്നിവർ പ്രധാന വേഷങ്ങളിലെത്തുന്ന ഒരു സർവൈവൽ ത്രില്ലർ വെബ് സീരീസാണ് ‘അറബ്യേ കടലൈ’. ഓഗസ്റ്റ് 8 മുതൽ ആമസോൺ പ്രൈം വീഡിയോയിൽ സീരീസ് കാണാം. - അന്ധേര
പ്രജക്ത കോലി, സുർവീൻ ചൗള എന്നിവർ അഭിനയിക്കുന്ന സൂപ്പർ നാച്ചുറൽ ഹൊറർ വിഭാഗത്തിൽപ്പെട്ട വെബ് സീരീസാണ് ‘അന്ധേര’. ഓഗസ്റ്റ് 14-ന് ആമസോൺ പ്രൈമിൽ റിലീസ് ചെയ്യും.
മറ്റ് പ്രധാന റിലീസുകൾ
- ഏത് നേരത്താണാവോ: ഓഗസ്റ്റ് 8 മുതൽ മനോരമ മാക്സിൽ.
- വ്യസനസമേതം ബന്ധുമിത്രാദികൾ: ഓഗസ്റ്റ് 14 മുതൽ മനോരമ മാക്സിൽ.
- മായാസഭ: സോണി ലിവിലൂടെ ഉടൻ റിലീസ് ചെയ്യും.